ചിക്കുന്‍ ഗുനിയ

കവിത 

ചിക്കുന്‍ ഗുനിയ വന്നു ഭവിച്ചാല്‍

ആക്കം കുറയും തൂക്കം കുറയും

പനിയായിട്ടിത് വന്നീടുന്നു

മേനിയിലാകെ വേദനയും

കാലിനു വേദന കയ്യിനു വേദന

മുട്ടിനു വിരലിനു നടുവിന് വേദന

കോമരം നിന്ന് വിറയ്ക്കുന്നപോലെ

വിറയുന്ന കൂട്ടരും കുറവല്ല പാരില്‍

ഭക്ഷണമല്പം  കഴിച്ചെന്നാലോ

തല്‍ക്ഷണമത് ഛര്‍ദ്ദിപ്പോരും

മേനിയിലാകെ ചുവന്നു തുടുത്തിട്ട-

ങ്ങനെയിങ്ങനെ ചൊറിയുന്നോരും

കാലു തടിച്ചോര്‍, കയ്യു തടിച്ചോര്‍

മേനിയതാകെ വീങ്ങിത്തടിച്ചോര്‍

ഇങ്ങനെ പലതാണിതിനുടെ ലക്ഷണ-

മെങ്ങനെയിവിടെ ജീവിച്ചീടും.